By Sappan K.C.
१३अक्टोबर२००६(एजेन्सीहरु)-नेपालमा नेपालमा सातदलीय गठबन्धन सरकार र सरकार विरोधी सशस्त्र समूह माओवादी विद्रोहीहरूबीच भैरहेको शिखर वार्तालाई दुबै पक्षले सकारात्मक दिशामा बढिरहेको बताए पनि बिहीबार भएको तेश्रो दिनको औपचारिक वार्ता कुनै निष्कर्ष विना स्थगित भएको नेपाली सञ्चार माध्यमहरुमा जनाइएको छ। यसका साथै नेपाली सञ्चार माध्यमहरुमा जनाइए अनुसार,सरकार तथा विद्रोहीबीच बिहीबार भएको तेश्रो दिनको औपचारिक शिखर वार्ता कुनै टुङ्गोमा पुग्न नसकि स्थगित भएको छ। वार्ताकारहरू दुई दिनपछि आइतबार फेरी बैठक गर्न सहमत भएका छन्। बिहीबारको वार्तापछि सहभागीहरूले कुराकानी सौहाद्रपूर्ण रुपले र सकारात्मक दिशामा अगाडि बढिरहेको बताए। त्यस क्रममा ठोस समाधान निस्कने अपेक्षा गरिएको बिहीबारको बैठक प्रधानमन्त्री निवास बालुवाटारमा दिउंसो शुरु भएको थियो। त्यसभन्दा पहिले अनौपचारिक बैठक चलेका थिए। तर दुई घण्टाजतिको बसाईपछि पनि वार्ताका प्रमुख मुद्दाहरूमा सर्वसम्मति नभएपछि बैठक स्थगित भएको थियो। त्यसैगरी वार्तास्थल बाहिर भने अघिल्ला दिनहरूको तुलनामा मानवअधिकारवादी, माओवादी पीडित र राजनीतिक कार्यकर्ताहरूको भीड बाक्लो थियो। औपचारिक वार्ता शुरु भएको साढे दुई घण्टा नबित्दै सरकारी र माओवादी वार्ताकारहरू सिंहदरबारस्थित शान्ति सचिबालयमा देखा परेका समाचारहरुमा उल्लेख छ ।
त्यसैगरी प्राप्त समाचार अनुसार,भिडभाडपूर्ण पत्रकार सम्मेलनमा बोल्दै सरकारी वार्ताटोलीका संयोजक कृष्णप्रसाद सिटौलाले भने, ‘’समग्र विषयमा टुङ्गोमा पुग्नका लागी हाम्रा नेताहरूलाई अलिकति समय चाहिएको हो।”वार्ता अत्यन्त सकारात्मक छ। वार्ता जुन ढङ्गले अगाडि बढ्नुपर्ने हो, त्यसरी नै बढेको छ।’’ विद्रोही टोलीका संयोजक कृष्णबहादुर महराले पनि दुबै पक्षका अडानहरू साँघुरिदै गएको बताए। यसका साथै उनको बिचारमा शान्तिवार्ता जस्तो जटील प्रकृयालाई आगडि बढाउन केही समय लाग्नु अनौठो कुरा होइन। उनले भने, ‘’अस्तिसम्म देखिएका हाम्राबीचका दूरीहरू साँघुरो बनेको छ र हामी एउटा निस्कर्षको नजिक पुग्न खोजेको जस्तो देखिन्छ।’’ साथै तिन दिनसम्म चलिसकेको औपचारिक वार्ता प्रकृया कहाँनेर अड्कियो भन्ने पत्रकारहरूको जिज्ञासाको जवाफमा वार्ताकार पक्षले ति मुद्दाहरूको प्याकेज समाधान खोजीरहेको बताएका प्राप्त समाचारहरुमा जनाइएको छ।

११अक्टोबर२००६(एजेन्सीहरु)-नेपालमा प्रधानमन्त्री गिरिजाप्रसाद कोइराला र माओवादी विद्रोही अध्यक्ष प्रचण्डबीच जारी शीर्ष वार्ताको मंगलबारको बैठकमा शिघ्र निर्वाचन आयोग गठन गरी आगामी जुन महिनाभित्र संविधानसभाको निर्वाचन गराउने सहमति भएको नेपाली सञ्चार माध्यमहरुमा जनाइएको छ।
यसका साथै प्राप्त समाचारमा जनाइए अनुसार,सातदलीय गठबन्धन सरकार र माओवादी विद्रोहीबीच सन् २००७ को जुन महिनाभित्रमा संविधानसभाको निर्वाचन गराउने सहमति भएको छ। प्रधानमन्त्री गिरिजाप्रसाद कोइराला र माओवादी अध्यक्ष प्रचण्डबीच जारी शीर्ष वार्ताको मंगलबारको बैठकमा उक्त निर्णय भएको हो। बालुवाटारस्थित प्रधानमन्त्री निवासमा भएको बैठकमा दुई पक्षबीच छिट्टै निर्वाचन आयुक्त नियुक्त गर्ने बारे पनि सहमति भएको छ। यसै क्रममा झण्डै सात घण्टासम्म चलेको दोश्रो दिनको बैठकपछि सरकारी र माओवादी विद्रोही वार्ताकारहरू संविधानसभाको निर्वाचनको मिति अब गठन हुने भनिएको अन्तरिम मन्त्रीपरिषदले तोक्ने कुरामा पनि सहमत भएका छन्। सरकारी र विद्रोही वार्ताटोलीले हतियार व्यवस्थापन र मूलभूत राजनीतिको विषय लगायत अन्तरिम संविधानको सम्वन्धमा उठेका प्रश्नहरूमा छलफल गरी सहमतिका बुँदाहरू तगार गर्नका लागी बिहीवारसम्मको समय पाएका समाचारहरुमा उल्लेख छ । (more…)

By Sappan K.C.
५अक्टोबर२००६(एजेन्सीहरु)-नेपालमा गठबन्धन सरकारका प्रधानमन्त्री गिरिजाप्रसाद कोइराला र माओवादी अध्यक्ष प्रचण्डबीच आइतवार हुने भनिएको शीर्षवार्ताका लागि आवश्यक गृहकार्य स्वरूप दल तथा माओवादी विद्रोही नेताहरूबीच छलफल भएपनि ठोस उपलब्धि नभएको बताइएको नेपाली सञ्चार माध्यमहरुमा जनाइएको छ।
त्यसैगरी नेपाली सञ्चार माध्यमहरुमा जनाइए अनुसार,प्रधानमन्त्री कोइराला र विद्रोही अध्यक्ष प्रचण्डबीच प्रस्तावित शिखर वार्ताका लागि आवश्यक गृहकार्य गर्न सात दल र माओवादीहरुका वरिष्ठ नेताहरूले छलफल गरेका छन्। सो छलफलका एकजना सहभागी नेपाली काङ्य्रेसका महामन्त्री राचन्द्र पौडेलले बुधबार भएको कुराकानी प्रारम्भिक स्तरको भएको बताए। यसका साथै “शिखर वार्तालाई कसरी सहज बनाउने भन्ने छलफलको प्रमुख उद्देश्य भएपनि हामी कुनै विशेष एजेण्डामा प्रवेश गरेनौं।” साथै उनले सात दलबीच सल्लाह हुन बाँकी नै रहेकोले माओवादी विद्रोहीहरूसित सबै विषयमा कुरा हुन नसकेको बताएका समाचारहरुमा उल्लेख छ । (more…)