नेपाली जनताले आफ्ना हक र अधिकारका लागी सिर्जीएको इतिहासको दस्ताबेज बन्नु पर्छ राष्ट्रिय गान ।

जनताको भावनाको उच्च सम्मान गर्ने र भावी पुस्तालाइ पनि लोकतन्त्रको मार्ग देखाउने लेखीयोस् राष्ट्रिय गान

श्रीमान गम्भीर नेपाली ………….आज मलाइ जीवनको त्यो समय याद आइरहेछ, मानसपटलमा जीवनको त्यो कालखण्डको ऐना झल्कीरहेछ जुन समय म आकासे सर्ट, कट्टु र चप्पलको भरमा त्यो बालुवाको डाडै डाडा विधालय जान्थे आउथे । हरेक दिनको नियमीत कार्य हुन्थ्यो लाइनमा उभिनु र चिच्याइ चिच्याइ श्रीमान गम्भीर नेपाली गाउनु । यसको अर्थ के थियो वा यसको गुदी भित्र के थियो त्यसको कुनै प्रवाह थिएन अरुको अनुहारमा हेर्‍यो फेरी चिच्यायो । नचिच्याए गुरुले कुट्ने डर चिच्याउ मनै लाग्दैन के भनेको हो के ।आज यही गान मेटीएको छ र यसलाइ बदल्ने पक्रिया सुरु भएको छ । त्यसैले मैले पनि केही बोल्ने तुच्छ चाह राखेको हुँ । हुनत यो संसारमा अझ हाम्रो नेपालमा दिग्गज विद्धानहरुको विगविगी छ, कुनै कमी छैन । तैपनि यो तुच्छ नागरीकलाइ ति दिग्गजहरु प्रति फर्कीएर औला उठाउने तिब्र इच्छा छ ।किनकी एक दिग्गजले प्रस्ताव गर्नु भएको राष्ट्रिय गानको मैले न त कुरो बुझे न त चुरो नै ।
राष्ट्रिय गान सरल हुनुपर्छ, र सहज हुनुपर्छ जनजिब्रोमा चलखेल गर्न सजिलो । लोकका सिधा नरनारीले फुराउनै मुस्कील वाक्यहरुको संयोजनमा चाही राष्ट्रिय गान नबनोस् ।अझ यो तुच्छ प्रणीको विचारमा त राष्ट्रिय गानको लागी देश तथा विदेशमा बस्ने नेपालीहरुबाट माग गरीनु पर्छ र उत्कृष्ठ छनौट गरी राखिनु पर्छ । कुनै भाषा-भाषी, जनजाती, राजनिती, धर्म र सामुदाय विशेष परम्परा र यसको गुनगान गाउन सक्दैन राष्ट्रिय गानले । नेपालको इतिहासमा नेपाली जनताले आफ्ना हक र अधिकारका लागी सिर्जीएको इतिहासको दस्ताबेज बन्नु पर्छ राष्ट्रिय गान । लोकतन्त्रको सपना बेकेर जीवनको आहुती दिनेहरु प्रति अनि लोकतन्त्रको लागी जीवनको शाररीक पुर्णता गुमाएका हरुको सपना लाइ सम्मान दिने बन्नु पर्छ राष्ट्रिय गान। बुझ्नै नसक्ने संस्कृत शब्द र अध्याधीक साहित्यीक संरचनामा नै चाहिन्छ भन्ने छैन बरु लोकको जीब्रोमा र बोलीमा लपक्कै टासीने हुनुपर्छ ।जे होस जनताको भावनाको उच्च सम्मान गर्ने र भावी पुस्तालाइ पनि लोकतन्त्रको मार्ग देखाउने लेखीयोस् राष्ट्रिय गान ।