आजकाल कुकुरहरुको विगविगी छ
कहिले कस्तो कुकुर कहिले कस्तो
कालो रातो खैरे टाटे पाटे
हरेक रगं र रुपमा जताजतै कुकुरै कुकुर
कहिले के भुक्छ कहिले के
पत्तै नपाइ थाहै नभइ
भुकेको भुक्यै छ
फेरी इतिहासको कालखण्डमा
एउटा अर्को कुकुर निस्कीयो
उ अलि भकभके छ
भुक्दा विचविचमा अड्कन्छ
उसले जे बोल्छ त्यो पुर्‍याउदैन
प्रयजसो कालो रंगमा देखीने यो
बेलाबेलामा मालिकतिरै फर्केर भुक्छ
अस्तीमात्र हो मालीकले जञ्जीरले बाँधेर खोरमा जाकेको
त्यसताका मालीकलाइ सराप्नु सराप्यो
किनकी उ भोको थ्यो
अहिले उ आजाद छ
त्यसैले त उ चोकचोकमा भुक्छ
तर विडम्बना मालीकलाइ बचाएर भुक्छ
शाही रक्षानमुखी भएर भुक्छ
भुक्दा भुक्दै अन्नदातालाइ पनि टोक्लाकी
बचेर त हिड्नै पर्छ
किनकी त्यो शाही रेवीज लागेको
विमारी कुकुर हो